Қырғызстан астанасы Бішкекте митингілер мен наразылық шаралары тоқтады.

Осыған дейін Бішкек орталығында наразылық шаралары өткені туралы бірнеше рет хабарланған болатын. Он күн бойы халық қаланың орталығына жиналып, Қырғызстан президенті Сооронбай Жээнбеков пен парламент спикері Қанат Исаевтың отставкаға кетуін талап етті.

Сондай-ақ, Қырғызстанның жаңа премьер-министрі Садыр Жапаровты қолдауға арналған шаралар да өтті.

Қазіргі таңда Бішкекте митингілер мен наразылық шаралары тоқтаған. Күн сайын бірнеше мың адам жиналатын Үкімет үйінің жанындағы алаң бос тұр. Сонымен қатар, президент резиденциясының алдында да наразылық білдірушілер жоқ. Күш құрылымдары, бас штаб және мемлекеттік қауіпсіздік органдары ғимараттарындағы жағдай бір қалыпты. Мэрия мен басқа да муниципалды мекемелердің алдына адамдар жиналмаған.

Наразылық шаралары мен митингілердің аяқталуы Жээнбеков пен Исаевтың отставкаға кетуімен тұспа-тұс келді. Мемлекет басшысының өкілеттігі Жапаровқа берілді.