Bloomberg агенттігінің мәліметінше, Бразилия зерттеушілері жарқанаттардан табылған коронавирустың жаңа түрін анықтап, оған BRZ batCoV деген атау берген, деп хабарлайды Jambylinfo.kz 

Мамандардың айтуынша, бұл вирустың генетикалық құрылымы COVID-19 (SARS-CoV-2) және Таяу Шығыс респираторлық синдромын (MERS) тудыратын вирустарға ұқсас.

Жаңа вирус жәндікпен қоректенетін жарқанаттардан табылған. Мұндай түрлер негізінен Латын Америкасында таралған. Ғалымдар сынамаларды Мараньян және Сан-Паулу штаттарынан жинаған.

Зерттеу нәтижесінде BRZ batCoV бета-коронавирус тобына жататыны анықталды. Бұл топқа SARS-CoV-2, MERS-CoV және SARS-CoV вирустары да кіреді.

Қазірше ғалымдар жаңа вирустың адамға жұғатыны туралы дәлел таппаған. Алайда зерттеушілердің айтуынша, BRZ batCoV-тың бір ерекшелігі бар: оның тікенек тәрізді ақуызының белгілі бір бөлігі адам мен жануар жасушаларындағы ферменттер арқылы ыдырап, вирустың ағзаға енуін жеңілдетуі мүмкін.