Вэнстің айтуынша, Ақ үйдің негізгі мақсаты — Мәскеу мен Киевтің ұстанымдарын жақындатуға бағытталған дипломатиялық жұмыстарды күшейту, - деп хабарлайды Jambylinfo.kz ақпарат агенттігі Fox News Digital-ға сілтеме жасап.

Ол қазіргі уақытта тараптар арасында "өте үлкен алшақтық" бар екенін атап өтті, дегенмен алғашқы қадам жасалған: әр тарап өз көзқарасын білдірді.

— Украиндар: «Міне, біз мынаны қалаймыз», — деді. Ресейліктер: «Біз мынаны қалаймыз», — деді. Ендігі міндет — осы екі ұстанымды жақындату үшін дипломатиялық жолмен жұмыс жүргізу. Өйткені украиндар мен ресейліктердің мақсаттары арасында үлкен алшақтық бар, — деді Вэнс.

Сондай-ақ, ол АҚШ-тың алдағы кезеңдегі басты мақсаты — қақтығысты реттеудің нақты процесін бастауға мүмкіндік беретін келіссөздер ұйымдастыру екенін атап өтті.

— Алдағы 100 күн ішінде біз жігіттерді бір үстел басына жинау үшін бар күшімізді саламыз, — деді АҚШ вице-президенті.