Асхат Аймағамбетов университет таңдау бойынша студенттерге кеңес берді, деп хабарлайды Jambylinfo.kz

Мәжіліс депутаты қазіргі уақытта грант иегерлері мен ақылы негізде оқуға түсетіндер үшін өзекті екендігін айтып, нақты университетті ұсынбай, қандай мәселелерге назар аудару бойынша сұрақтарға жауап берді.

• Ақпарат өте көп. Университеттер өздерін жарнамалау үшін барын салуда. Кейбір ЖОО-лар QS рейтингтерін көрсетсе, басқалары отандық ақылы/тегін рейтингтерге сілтеме жасайды, біреулері аккредитациямен қызықтырса, басқалары жоғары жұмысқа орналасу деңгейіне немесе филиалда оқу мүмкіндігіне назар аударуда. Кейбіреулер тіпті құжат тапсырған университетте оқуыңыз міндетті деп жалған ақпарат таратуда. Көріп отырғаныңыздай, таңдау жасау үшін нақты бағдар қажет. Көптеген рейтингтер, өкінішке орай, университеттің шынайы сапасы мен деңгейін әрдайым растай бермейді. Кейбір рейтингтер бизнеске айналған. Кейде университеттер «біз белгілі бір мамандық бойынша рейтингте екінші немесе бірінші орында тұрмыз» деп шындыққа сәйкес келмейтін ақпарат береді, бірақ сол рейтингте небәрі екі қатысушы ғана болғанын көрсетпейді. Сондықтан рейтингтер бойынша ақпаратқа сыни тұрғыдан қарау керек. Қазір аккредитациялармен біреуді таңғалдыру қиын. Тіпті заң бойынша барлық университеттер аккредитацияға ие болуы керек. Бұл жерде басты мәселе — қандай аккредитация? Аккредитациялар арасындағы айырмашылық үлкен. Осы маңызды көрсеткішті талдап қарасаңыздар, көп нәрсе түсінікті болады. Университеттің беделі мен оны жұмыс берушілердің мойындауы маңызды. Deloitte, KPMG, ТШО, банктер, Ritz, Rixos қонақүйлер желілері, ірі IT және басқа да жетекші компаниялар қай университеттердің түлектерін қуана қабылдайтынын біліңіз. Сондай-ақ, бірінші курстан бастап диплом алғанға дейінгі студенттердің пайызы 80-90%-дан аз болатын университеттерге назар аударыңыз,- деді мәжілісмен.