дүйсенбі, 27 мамыр, 2024 17:59

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

“500 мың теңге”. Премьер-Министрдің елден қарызға ақша сұрап жүргені рас па

“500 мың теңге”. Премьер-Министрдің елден қарызға ақша сұрап жүргені рас па
Сурет: Үкімет
Әлеуметтік желіде таралған хабарламаға қатысты Үкіметтің баспасөз қызметі пікір білдірді, деп хабарлайды jambylinfo.kz.

Әлеуметтік желіде Премьер-Министр Олжас Бектеновтың біреуден қарызға ақша сұрап жазған сөздерінің фотосы таралды. Онда Үкімет басшысы біреуден картасының аударым саны шектеулі болуына байланысты 500 мың теңге аудара бере тұруын өтініп, көп кешікпей қайтаратынын да жазған. Бірақ, аталған ақпараттың жалған екенін Үкіметтің баспасөз қызметі растады.

“ҚР Үкіметінің Баспасөз қызметі мессенджерлерде қаражат аудару туралы өтініш айтылған Премьер-Министрдің және Үкімет мүшелерінің атынан ақпарат таратылып жатқанын хабарлайды. Бұл – жалған ақпарат. Оны интернет-алаяқтар таратып отыр. Жалған ақпаратқа сенбеуге, қаражат аудармауға және күмәнді сілтемелерге өтпеуге шақырамыз. Құқық қорғау органдары алаяқтық әрекеттер жасап жатқан адамдарды анықтау және жауапкершілікке тарту бойынша жұмыс жүргізіп жатыр”, - делінген хабарламада.

Мағжан Орынбасар
Автор

Мағжан Орынбасар

jambylinfo.kz сайтының авторы

Ұқсас жаңалықтар