Қазақстанда геологиялық зерттеулерді жетілдіру мақсатында заманауи зертханалық кешен салу жоспарлануда, деп хабарлайды Jambylinfo.kz 

«Ұлттық геологиялық қызмет» базасында құрылатын жаңа кешен геологиялық талдаулардың сапасын арттыруға арналған. 

Жобада зертханадан бөлек, қорларды сақтау және керн қоймаларына арналған ғимараттар да қарастырылған. Мұның арқасында елімізде біртұтас геологиялық деректер базасын қалыптастыру мүмкіндігі туады.

«Бүгінде құрылыс жұмыстарына Астана қаласынан 4 гектар жер учаскесі бөлінді. Жоба құны – 14 млрд теңге. Зертханалық кешенді 2028 жылдың желтоқсан айында іске қосу жоспарлануда», — деді Иран Шархан.