сейсенбі, 16 сәуір, 2024 22:07

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыныз

Байланыс

Бишімбаев соты: Сотта Нүкенованың телефоны тексеріліп, онда марқұмға күйеуі тарапынан қысым жасалғаны айғақталды

Бишімбаев соты: Сотта Нүкенованың телефоны тексеріліп, онда марқұмға күйеуі тарапынан қысым жасалғаны айғақталды
Коллаж: jambylinfo.kz
Астанада Бишімбаевтың соты тікелей эфирде өтіп жатыр. Сотта марқұм Салтанат Нүкенованың телефоны тексеріліп, онда азамттық некеде тұрған ерлі-зайыптылардың қарым-қатынасы шиеленіске толы болғаны анықталды, деп  хабарлайды jambylinfo.kz.

Прокурор Айжан Аймаганова Салтанат Нүкенованың телефонындағы whatsapp-хабарламалар, аудио жазбалар, ескертпелер және қоңырауларға жеке-жеке тоқталды. Ең бірінші марқұмның whatsapp желісі бойынша Қуандық Бишімбаевпен жазысқан хаты оқылды. Онда 3 мен 9 қарашада аралығында сөйлескен сөзіндерінде Нүкенованың әрбір қадамын Бишімбаев қатаң бақылауда ұстап, әйелінен есеп сұрап отырғанын аңғаруға болады. Сондай-ақ, 2023 жылдың қыркүйек айында Нүкенова Бишімбаевтан бөлек кетіп, жеке пәтер жалдап тұрғаны да белгілі болды. 


«Иә, Салтанат екеуіміз кезекті бір ұрыстан кейін бөлек кеттік. Ол 600 мыңға пәтер жалдап тұрды. Оның ақшасын мен төледім. Мен ол кезде Түркияда болғанмын. Кейін татуластық», - деді Бишімбаев.    


Сондай-ақ, Нүкенованың ешкімге жібермеген ескертпелері (заметка) оқылды. Онда марқұм Салтанат Бишімбаевпен ажырасқысы келетінін, оның көзіне шөп салғанынан шаршағанын  жазып, одан өзін босатуды өтінген. Ал Нүкенованың бұл жазбасы туралы Бишімбаев бірінші рет прокурордың ауызынан естіп тұрғанын және ол әйелі үйінен кетіп қалғанда басқа әйелдермен ойнас болғанын жасырмады.

Индира Тәліпқызы
Автор

Индира Тәліпқызы

jambylinfo.kz сайтының авторы

Ұқсас жаңалықтар