Биыл елімізде бюджет қаражатын ұрлауға жол бермеу жөніндегі шаралары нәтижесінде 103 млрд теңге үнемделді, деп хабарлайды Jambylinfo.kz  

ҚМА дерегінше, жыл басынан бері 61 құрылыс жобасы бойынша шығындар қысқартылды, бұл мемлекетке шамамен 103 млрд теңге үнемдеуге мүмкіндік берді.

Мәселен, Қарағанды облысында "Қарағанды Су" ЖШС негізгі су тазарту құрылыстарының блоктарын қайта жаңарту" жобасының ЖСҚ әзірлеу сатысында құбыр бұйымдарының 5 түрінің артық құны анықталды. Бағаны асыру ұқсас тауарлардың бағасын және басқа жеткізушілердің балама ұсыныстарын салыстыру арқылы анықталды.
 

Атқарушы органмен бірлескен жұмыс қорытындысы бойынша жобаның мәлімделген сметалық құны 6,1 млрд теңгеге төмендетілді. Басқа жағдайда, Ақтөбе қаласында "Моисеевкий су тартқышының құрылысы" жобасын іске асыру кезінде су резервуарларының көлемі азайтылып, бұл 827 млн теңгені үнемдеуге мүмкіндік берді (шығындар 929 млн теңгеден 102 млн теңгеге дейін төмендетілді).
Резервуарлар көлемінің өзгеруі құбырлар мен сорғылардың мөлшерін өзгертуге себеп болды, соның нәтижесінде үнемдеу шамамен 20 млрд теңгені құрады,- делінген хабарламада.