Ішкі істер министрлігінде Дубайда өткен беделді халықаралық турнирде ел намысын абыроймен қорғаған қызметкерлерді марапаттау салтанаты өтті, деп хабарлайды Jambylinfo.kz 

Биыл Қазақстан атынан жарысқа әртүрлі ведомстволардан іріктелген бес құрамалық команда қатысты. Біздің арнайы бөлімшелер жоғары дайындықтарын көрсетті және жүлделі орындарға ие болды: Kaz SWAT Team C – 1 орын, Kaz SWAT Team A – 2 орын, Kaz SWAT Team B – 8 орын, Kaz SWAT Team D – 20 орын. Әйелдер арасындағы командаларда Tomiris командасы – жалпы есепте 18-орын және әйелдер құрамасы арасында 1-орынды иеленді.

Ішкі істер министрі Ержан Саденов жеңімпаздар мен жүлдегерлерді құттықтап, олардың жетістігі тек спорттық нәтиже емес, сонымен қатар қазақстандық құқық қорғаушылардың жауынгерлік дайындығы, тәртібі мен рухтың мықтылығын көрсететінін атап өтті.

ССалтанатты шара барысында қызметкерлерге арнайы марапаттар мен сыйлықтар табыс етілді.