Антициклонның әсерінен республиканың көп бөлігінде жауын-шашынсыз күндер сақталып отыр. Алайда синоптиктер алдағы уақытта ауа температурасының төмендеуі мүмкін екендігін ескертеді, деп хабарлайды Jambylinfo.kz 

Қазгидромет мәліметінше, солтүстік және шығыс өңірлерде ғана фронтальды бөліктердің әсерінен кей жерлерде жаңбыр мен қар түрінде аздаған жауын-шашын өтеді. Дегенмен, бұл құбылыстар ұзаққа созылмайды.

Антициклон келе жатқан суық ауа массалары арқылы толығып, нәтижесінде еліміздің басым бөлігінде салқын ауа райы орнығады. 29 қарашаға қараған түні солтүстік аймақтарда термометр бағандары –8…–13°С дейін төмендесе, оңтүстік жартысында ауа температурасы –2…–7°С шамасында болады деп болжануда.