Бұл туралы Ішкі істер министрлігі Әкімшілік полиция комитетінің төрағасы Қайсар Сұлтанбаев Орталық коммуникациялар қызметіндегі брифингте мәлімдеді, деп хабарлайды Jambylinfo.kz 

Оның айтуынша, қазақстандық мектептерде балаларды жолдағы қауіпсіздікке үйретуге жеткілікті уақыт бөлінбейді.

«Ішкі істер министрлігі мектеп бағдарламаларында жол ережелері бойынша сабақтарды жеке міндетті пән ретінде енгізуді ұсынады. Мұндай сабақтар арқылы жолдарда заңға бағынатын мінез-құлық нормаларын сіңіріп, өзі жүргізуші болған кезге дейін есейген сайын жол қауіпсіздігіне жағымды әсер етеді», – деді Қайсар Сұлтанбаев.

Соңғы жеті айда Қазақстанда 176 бала жол апатынан көз жұмды. Олардың жартысынан көбі – жолаушылар, қалғандары – жаяу жүргіншілер, сондай-ақ велосипед, самокат және мопед мінгендер.

Көп жағдайда балалар арнайы қауіпсіздік құралдарынсыз, немесе белдігі тағылмай тасымалданған.