Маңғыстау облысының тұрғыны WhatsApp әлеуметтік желісі арқылы жалған ақпарат таратқан. Нәтижесінде оған 73 мың теңге айыппұл салынды, деп хабарлайды Jambylinfo.kz

Ақтау қаласының әкімшілік құқық бұзушылықтар жөніндегі мамандандырылған сотында  құқық бұзушыға қатысты әкімшілік құқық бұзушылық туралы кодекстің 456-2-бабының 3-бөлігі бойынша әкімшілік іс қозғалды.

•  А. есімді тұлға 14.04.2024 жылы сағат 13:30 шамасында өзінің ұялы телефонымен «ВАЦАП» желісі арқылы Атырау облысында төтенше жағдай орын алып жатқан жайт бойынша жалған, нақты емес ақпарат таратқан. Сот қаулысымен А. ӘҚБтК-нің 456-2 бабының 3-бөлігімен кінәлі деп танылып, оған 20 АЕК айыппұл түріндегі әкімшілік жаза тағайындалды. Қаулы заңды күшіне енген,-делінген хабарламада.