бейсенбі, 25 сәуір, 2024 19:57

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыныз

Байланыс

Тоқаев Батыс Қазақстан облысының су басқан аумақтарын тікұшақпен аралады

Тоқаев Батыс Қазақстан облысының су басқан аумақтарын тікұшақпен аралады
Сурет Ақорда сайтынан алынды
Бұған дейін мемлекет басшысы су басқан өңірлердің біріне сапар жасайтыны хабарланған еді

Мемлекет басшысы Қасым-Жомарт Тоқаев Батыс Қазақстан облысына жасаған жұмыс сапарының басында қарғын су басқан аумақтарды тікұшақпен аралады, деп хабарлайды jambylinfo.kz. 

"Қасым-Жомарт Тоқаев Теректі, Сырым және Қаратөбе аудандарындағы қалыптасқан жағдаймен танысты. Облыс әкімі Нариман Төреғалиев Президентке бүгінде 6 аудан мен Орал қаласын су басқанын баяндады. Қарғын су 552 тұрғын үйге, 427 саяжай теліміне зиян келтірген. Өңір басшысының айтуынша, су тасқынына қарсы шараларға 1911 адам, 332 техника, 101 мотопомпа, 1 тікұшақ жұмылдырылған. Сонымен қатар құтқару жұмыстарына Алматы және Маңғыстау облыстарының құтқарушылары атсалысып жатыр. Қарғын су басқан аумақтардан 7 мыңға жуық тұрғын көшірілген, жедел-эвакуациялау пункттері құрылған", - деп хабарлайды Ақорданың баспасөз қызметі.

Дереккөзге сүйенсек, зардап шеккендерге біржолғы материалдық көмек көрсету үшін жергілікті бюджет есебінен 63 миллион теңге қаржы бөлінген. 

 

jambylinfo.kz
Автор

jambylinfo.kz

Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз

Ұқсас жаңалықтар