Жамбылдық айтыскер ақын, журналист "Aulieta-Media" ЖШС-не қарасты облыстық  "AQ JOL"  газетінің бөлім меңгерушісі Есет Досалы «Мәдениет саласының үздігі» төс белгісімен марапатталды, деп хабарлайды Jambylinfo.kz

Астана төрінде «AMANAT» партиясы мен ҚР Мәдениет және ақпарат министрлігінің айтыс ақындары, жыршы - термешілер одағы бірлесіп, "Руханият - ұлттың мәйегі"  атты айтыс ақындары және жыршы - термешілермен кездесу өткізді.

Жиында айтыскер ақын, журналист  Есет Досалыға "Мәдениет саласының үздігі" төс белгісі тапсырылса, шулық айтыскер ақын Бақытбек Жұмабеков ҚР Мәдениет және ақпарат министрлігінің "Құрмет" грамотасымен марапатталды. Ал жас айтыскер ақын Мұхтар Қонарбаев Алғыс хатпен марапатталды. 

Өнер иелеріне марапатты «AMANAT» партиясының атқарушы хатшысы Дәулет Кәрібек, ҚР Парламенті Мәжілісінің депутаты, айтыс ақындары мен жыршы - термешілердің Халықаралық одағы төрағасының бірінші орынбасары Аманжол Әлтаев табыстады. 

- Еңбегім еленіп жатқанына өте қуаныштымын. Мені марапатқа ұсынған және қолдаған азаматтарға шын көңілден алғыс айтамын. Қазақ елінің мәдениетін, руханиятын, көркемсөзін, әдебиетін дамытуға қызмет ете беремін!,- деді Есет Досалы Jambylinfo. kz. сайтының журналисіне.