Алайда мұндай жарияланымдардың артында шынайы қолданушылармен қатар алаяқтар да жасырынуы мүмкін.

Ішкі істер министрлігінің киберқылмысқа қарсы іс-қимыл департаменті азаматтарды онлайн танысу кезінде аса сақ болуға үндейді. Ведомствоның мәліметінше, алаяқтар алдымен адамның сеніміне кіріп, кейін түрлі сылтаумен қаржылай көмек сұрайды. Ақша қолға тиген соң, байланыс үзіліп, жәбірленуші бұғатталады.

Министрлік өкілдері экранның ар жағындағы адам бейнеқоңыраудан және жеке кездесуден қашса, сізден ақша аударуды сұраса немесе интернеттегі бөгде фотосуреттерді пайдаланса, бұл күдік тудыруы тиіс екенін ескертеді.

Алаяқтардың құрбаны болмас үшін мамандар келесі сақтық шараларын ұсынады:

интернет арқылы танысқан адамдарға ақша мен жеке деректерді бермеу;

жеке фотосуреттерді жолдамау;

күмәнді сілтемелерге өтпеу;

сұхбаттасушының профилі мен ол туралы ақпаратты тексеру;

күдік туындаған жағдайда хат алмасуды дереу тоқтату.