Шығыс Қазақстан облысының Тарбағатай ауданындағы 33 балабақша елдің бірыңғай уақыт белдеуіне көшуіне байланысты жұмысын бір сағат ерте бастайтын болды, - деп хабарлайды Jambylinfo.kz 

Енді балабақшалар балаларды таңғы 7:00-ден бастап қабылдайды. Ал өңірдегі 38 колледждің ішінде тек Өскемен құрылыс-техникалық колледжі ғана жаңа жұмыс кестесіне ауысты – енді ол 7:30-дан бастап жұмыс істейді.

"Жұмыс кестесін өзгерту туралы шешімді білім беру мекемесінің әкімшілігі ата-аналар комитетімен бірлесе отырып қабылдайды", – деп мәлімдеді білім басқармасы басшысының орынбасары Әлім Ақылбек.

Бұрын 7:30-да ашылған балабақшалардың жұмыс тәртібі өзгерген жоқ.

Бұған дейін Шығыс Қазақстан облысының жеті аудандық әкімдігі жаңа жұмыс кестесіне көшетіні хабарланған еді. Олар енді жұмысын 8:00-де бастап, 17:30-ға дейін жалғастырады.