Жуалы ауданында «Заң және тәртіп» концепциясы негізінде облыс прокурорының орынбасары Нұрбек Ұласбекұлы, қазақ күресінен «Қазақстан Барысы» турнирінің бірнеше дүркін жеңімпазы Бейбіт Ыстыбаев және облыстық Психологиялық қолдау орталығының басшысы Жуалы ауданының жастарымен кездесті, деп хабарлайды Jambylinfo.kz.   

Кездесуге 280-нен астам мектеп оқушылары, колледж студенттері, құқық қорғау және жергілікті атқарушы органның өкілдері қатысты.

Кездесу барысында спикерлер жастарға есірткі, буллинг, кибербуллинг және қорқыту сияқты жағымсыз құбылыстардың зияны жайлы айтып, олардың ауыр зардаптары туралы ақпараттар берді. Сонымен қатар, олар жастарға  «Komek Stop Bullying Jambyl» телеграм каналына, психологиялық қолдау орталығына жүгіну мүмкіндігі жайлы айтты.

Ал облыс прокурорының орынбасары Нұрбек Ұласбекұлы өскелен ұрпақты қауіпті жағдайлардан қорғау және қоғамда салауатты, қауіпсіз ортаны қалыптастыруға ықпал ету  қажеттілігіне ерекше тоқталды.  Жиында қатысушыларға тақырыптық бейнероликтер көрсетілді.

 Айта кетейік, «Заң және тәртіп» тақырыбындағы кездесулер облыстың барлық аудандарында өтіп жатыр.