8-інен 9 маусымға қараған түні футбол жанкүйерлерін маңызды матч күтіп тұр – Ұлттар лигасының финалы өтеді. Финалдық бәсекеде Португалия мен Испания құрамалары күш сынасады, деп хабарлайды Jambylinfo.kz 

Ойын Германияның Мюнхен қаласындағы әйгілі «Альянц Арена» стадионында өтеді. Қазақстан уақыты бойынша матч түнгі 00:00-де басталады.

Ұлттар лигасы – УЕФА ұйымдастыратын ресми турнир. 2018 жылдан бері өткізіліп келе жатқан бұл дода жолдастық кездесулердің орнына жасалған және Еуропа мен әлем чемпионаттарына қосымша іріктеу мүмкіндігін береді. Бұған дейін бұл турнирде Португалия, Франция және Испания жеңіске жеткен.

Биылғы финал — тәжірибе мен жастықтың айқасы: бір жағында — әйгілі Криштиану Роналду, екінші жағында — жас талант Ламин Ямал.