Біріккен Араб Әмірліктерінің Дубай қаласында өтіп жатқан ерлер арасындағы бокстан Әлем чемпионаты шешуші кезеңіне жетті, деп хабарлайды Jambylinfo.kz 

IBA (Халықаралық бокс қауымдастығы) ұйымдастырған дүбірлі додада әлемнің ең үздік былғары қолғап шеберлері жиналып, жүлделерді сарапқа салуда.

Финалдық жекпе-жекте Қазақстан құрамасының намысын қорғаған Оразбек Асылқұлов қарсыласы, тәжікстандық Хусравхон Рахимофпен жұдырықтасып, айқын жеңіске жетті.

Осылайша Оразбек Асылқұлов Әлем чемпионатының алтын медалін иеленіп, Қазақстан құрамасының қоржынына тағы бір тарихи жүлде салды.