Францияның әйгілі «ПСЖ» клубы мен оның бұрынғы шабуылшысы Килиан Мбаппе арасындағы сот дауы 2024 жылдан бері жалғасып келеді, деп хабарлайды Jambylinfo.kz 

Тараптар арасындағы негізгі мәселе – футболшыға тиесілі төлемдердің толық аударылмауы.

L’Équipe басылымының мәліметінше, клуб ойыншыға жалпы 6 миллион еуро қарыз болған. Қазіргі уақытқа дейін соның 4 миллионы ғана төленген. Қалған 2 миллион еуроны төлеуден париждік клуб бас тартып отыр.

Даудың басталуына 2024 жылдың жазында Мбаппенің мадридтік Real Madrid CF клубына еркін агент ретінде ауысуы себеп болған.

Үш ай бұрын Франция соты ПСЖ-ны ойыншыға 60,9 миллион еуро төлеуге міндеттеген. Оның ішінде:

55 миллион еуро – жалақы мен бонустар,

5,9 миллион еуро – демалыс өтемақысы мен өсімпұл.

Алайда футболшы бұрынғы клубынан тек 55 миллион еуро алған. Сот орындаушылары араласқаннан кейін тағы 4 миллион еуро төленгенімен, 2 миллион еуро әлі өтелмеген.

ПСЖ басшылығы өз кезегінде барлық қаржылық міндеттемелер толық орындалды деп мәлімдеуде. Ал сот процесі әлі аяқталған жоқ.