Кәсіпқой бокста жеңіліп көрмеген бірінші орта салмақтағы қазақстандық былғары қолғап шебері Калифорниядағы Коммерс қаласында мексикалық Элиас Эспадаспен қолғап түйістірді. Ахмедов бұл жолы да кештің басты айқасында өнер көрсетті, - деп хабарлайды Jambylinfo.kz Vesti.kz-ке сілтеме жасап 

Он раундқа созылған тартысты кездесуде жеңімпаз анықталмады – жекпе-жек тең нәтижемен аяқталды. Бұл көпшілік күткен нәтиже болмады, себебі Садриддин бұған дейін 15 кездесуінің 13-ін қарсыласын мерзімінен бұрын тоқтатып жеңген еді. Бұл жолы да ол сенімді жұдырықтасқанымен, төрешілер шешімі күтпеген болып шықты – Ахмедовтың өзі де, көрермендер де таңғалды.

Ахмедов үшін бұл – кәсіби мансабындағы алғашқы тең нәтиже. Эспадас үшін де бұл – алғашқы тең есеп: оның қоржынында осыған дейін 23 жеңіс, 6 жеңіліс болған.