жұма, 14 ақпан, 2025 12:45

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Енді азаматтарға құқықтық кеңес беруге жасанды интеллект енгізіледі

Енді азаматтарға құқықтық кеңес беруге жасанды интеллект енгізіледі
Фото - ашық дереккөз
Бұл үшін жұмыс тобы құрылған

Әділет министрлігінің өкілі азаматтарға құқықтық кеңес беру үшін ЖИ енгізілгенін айтты,- деп хабарлайды jambylinfo.kz

ҚР әділет вице-министрі Бекболат Молдабеков атап өткендей, заң шығару саласына жасанды интеллектті енгізу бойынша жұмыстарды жүргізу үшін Қазақстан университеттерімен жұмыс тобы құрылған. Сонымен қатар, бизнес-ортамен ынтымақтастық орнатылуда.

Қазіргі уақытта Е-Zan Komegi мобильді қосымшасында азаматтардың сұрақтарына 24/7 жауап беретін чат-бот әзірленіп жатыр.

«Біздің мақсатымыз – халықтың құқықтық сауаттылығын арттыру. Мысалы, келесі айда Политехпен бірге заң клиникаларын ашамыз. Біз жасанды интеллекттің, мобильді қосымшалардың көмегімен қандай да бір жағдайда не істеу керектігі туралы сұрақтарға жауап азаматтың телефонында 24/7 болғанын қамтамасыз етуіміз керек», - деді спикер.

Мағжан Орынбасар
Автор

Мағжан Орынбасар

jambylinfo.kz сайтының авторы

Ұқсас жаңалықтар