Жуырда облыстық ҚАЖ департаментіне бағынысты 26 түзеу мекемесінде мерзімінен бұрын шартты түрде босатылуына байланысты «Қақпа алдында кездесу» әлеуметтік жобасы аясында С есімді сотталған азаматшаны шығарып салу шарасы өтті. Шара барысында оған мекеме қызметкерлері тарапынан босатылғаннан кейінгі құқықтары мен міндеттері жөнінде тиісті түсіндірме жұмыстары жүргізілді. Алматы қаласының тумасы 60 жастағы жазасын өтеуші ҚР ҚК-нің 345 бабына сәйкес сот үкімімен кінәлі деп танылып, 5 жылға бас бостандығынан айырылған-ды. 2 жылдан соң, түзеу мекемесінде тәртібімен көзге түскен ол осылайша мерзімінен бұрын еркіндікке қол жеткізіп отыр.