2025 жылғы 10 қыркүйекте Жамбыл облысы бойынша ҚАЖ департаментіне қарасты №59 мекемесінде 5513 әскери бөлімі мен Жамбыл облысы бойынша ҚАЖ департаментінің қатысуымен, сондай-ақ Жамбыл облысының Қорғаныс істері жөніндегі департаменті қызметкерлерінің ұйымдастыруымен арнайы іс-шара өткізілді, деп хабарлайды Jambylinfo.kz

Аталған іс-шараның мақсаты – Жамбыл облысындағы жергілікті әскери басқару органдарының қызметінде, әсіресе 2025 жылғы күзгі әскерге шақыру науқаны кезінде сыбайлас жемқорлықтың алдын алу және құқық бұзушылықтарға жол бермеу.

Іс-шара барысында қатысушыларға сыбайлас жемқорлыққа қарсы заңнама талаптары түсіндіріліп, оның алдын алуға бағытталған профилактикалық шаралар мен бірлескен іс-қимылдардың маңыздылығы атап өтілді.

Осындай іс-шаралар азаматтардың құқықтық сауаттылығын арттырып, мемлекеттік қызметтердің ашық әрі әділ жүзеге асырылуына септігін тигізеді.