сейсенбі, 16 шілде, 2024 4:33

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Таразда су жаңа 15 автобус пайдалануға берілді

Таразда су жаңа 15 автобус пайдалануға берілді
Сурет: Тараз қаласының әкімдігі
Жаңа көліктердің кілтін қала әкімі Бақытжан Орынбеков табыстады

Тараз қаласында су жаңа 15 автобус пайдалануға берілді. Шараға қала әкімі Бақытжан Орынбеков арнайы қатысып, «ӘулиеатаТрансПасс» ЖШС-нің автобус жүргізушілеріне көлік кілттерін табыстады, деп хабарлайды jambylinfo.kz.

Қала әкімдігінің баспасөз қызметі хабарлағандай, жаңа қоғамдық көліктер көршілес Өзбекстан мемлекетінде өндірілген. Жаңа автобустардың оны №29 бағыттағы ескірген автобустарды алмастырса, қалған 5-еуі №12 маршруттағы кесте санын арттырады. Осылайша №12 бағытта қатынайтын 12 кестені 16 кестеге арттырып, жүру жиілігін 12 минуттан 8 минутқа дейін қысқарту көзделіп отыр.

«Жалпы, Тараз қаласында жолаушылар тасымалын жандандыру, жетілдіру және тұрғындарды қоғамдық көлікпен толық қамтамасыз ету мақсатында 2023-2025 жылдарға арналған іс-шаралар жоспары әзірленген болатын. Соған сәйкес жыл сайын қалаға 70 жаңа автобус жеткізу жоспарланған еді. Дегенмен, биыл 80 бірлік автобус жеткізіліп, жоспарлы меже артығымен орындалды. Бұдан бөлек, жыл соңына дейін қосымша 50 автобус алып келу жоспарланып отыр»,-деді қала басшысы.

Индира Тәліпқызы
Автор

Индира Тәліпқызы

jambylinfo.kz сайтының авторы

Ұқсас жаңалықтар