жексенбі, 23 маусым, 2024 13:14

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Таразда «Таза Қазақстан» республикалық экологиялық акциясы жалғасып жатыр

Таразда «Таза Қазақстан» республикалық экологиялық акциясы жалғасып жатыр
Сурет: jambylinfo.kz
Бұл туралы қалалық әкімдіктің баспасөз қызметі хабарлады

Бүгін облыс орталығында «Таза Қазақстан» республикалық экологиялық акциясы аясында қала аумағы тазаланды, деп хабарлайды jambylinfo.kz.

Акцияға қаланың мәдениет, спорт саласының өкілдері, жастар, еріктер, қала тұрғындары және «Жасыл ел – Тараз» мекемесінің қызметкерлері, бас-аяғы 500-ге тарта адам қатысты. Тазалық жұмыстары бірнеше жерде қатар жүрді.

Атап айтқанда, «Мамыр» тоғайында санитарлық-тазалық жұмыстары жасалып, күл-қоқыстан, жабайы шөптерден тазаланды.

Сонымен қатар Б.Момышұлы көшесінің бойындағы аялдамаларды сырлау, жуу жұмыстары ұйымдастырылса, «Ұлы дала» ықшам ауданында аумақ тұрғындары тазалық жұмыстарын жүргізіп, ағаш көшеттерін екті.  Сондай-ақ, еріктілер «Әулие бұлақ» каналының бойын тазалады.

Айта кетейік, "Таза Қазақстан" акциясы жыл соңына дейін жалғасады.

Индира Тәліпқызы
Автор

Индира Тәліпқызы

jambylinfo.kz сайтының авторы

Ұқсас жаңалықтар