Жамбыл облысының прокуратурасында су заңнамасы саласындағы қадағалау жұмысының қорытындыларын, сондай-ақ өңірді сумен қамтамасыз етудің проблемалық мәселелерін талқылау бойынша ведомствоаралық кеңес өтті, деп хабарлайды Jambylinfo.kz

Бейнеконференцбайланыс арқылы Ұлттық гидрогеологиялық қызметінің және Су ресурстары және ирригация министрлігінің жер асты сулары департаментінің басшылары, сондай-ақ жауапты жергілікті уәкілетті органдар қатысты.

Су ресурстары тапшылығының артуы, жер асты суларын есепке алмай тұтыну, ауыл шаруашылығында су тұтынуды оңтайландыру мәселелері басты назарда болды.

Прокурорлармен агрошаруашылықтардың суды арнайы рұқсатсыз пайдалануының 400-ден астам фактісі, кәрізсіз тұрғын алаптардағы су бұру нәтижесінде жер асты суларының ластану қаупі туралы хабарлады.

Сонымен қатар суды рұқсатсыз тұтыну аясында соңғы зерттеулер 40 жылдан астам уақыт бұрын жүргізілген жер асты суларының қорлары туралы сенімді мәліметтердің жоқтығы атап өтілді.

Қатысушылар су пайдаланушылардың жауаптылығын арттыру, су объектілерінің ластануына қарсы күрес және табиғатты қорғау іс-шараларын жүргізу қажеттілігін талқылады.

Мүдделі органдардың және бейінді министрліктің ұсынымдары негізінде пилоттық жоба шеңберінде оны 2025 жылы іске асыруды мақұлдады.

Жобада су ресурстарын тиімді пайдалану және қорғау, жер асты суларының қорларын зерделеу, ұңғымаларды пайдалану және су бұру мәселелерін шешу бойынша зерттеу жұмыстарын ұйымдастырудың бірқатар шаралары көзделген.

Талқылау нәтижелері бойынша облыс прокуроры Нұрғалым Әбдіров кәсіпкерлердің өтініштері мен «Атамекен» палатасының пікірін ескере отырып, су пайдалану құқығына рұқсат құжаттарын алудың жекелеген рәсімдерін жеңілдетуді ұсынды.

Қатысушылар су ресурстары мәселелерін шешу үшін және ұсынымдарды енгізу бойынша күштерін біріктіру туралы шешім қабылдады.