Жамбыл облысы Жуалы ауданында жол апаты болып, жүргізуші қыз қаза тапты. Ал оның үш жолаушысы ауруханаға түсті, деп хабарлайды jambylinfo.kz.

Жамбыл облысының полиция департаменті хабарлағандай, жол апаты 25 мамыр күні болған. Toyota Camry маркалы көліктің 21 жастағы жүргізушісі Жаңаталап ауылы мен Ақтоған ауылының арасында жолдан шығып кетіп, аударылып қалған.

Жол апатының салдарынан жүргізуші тіл тартпай кеткен. Ал, үш адам, соның ішінде 11 сынып оқушысы ауруханаға түскен.