Алғашқы күні «Мамыр» саябағында басталған лагерь бағдарламасы Жамбыл облыстық орыс драма театрында қойылған «Маугли» ертегісін тамашалаумен жалғасты, деп хабарлайды Jambylinfo.kz 

Балалар қойылымнан алған әсерлерін кітапханаға келіп бөлісіп, жануар кейіпкерлерін өз беттерінше сомдап берді.

Кішкентай бүлдіршіндер ашық ауада бормен сурет салып, түрлі ойындарға белсене қатысты. Сондай-ақ тәтті мақтаның қалай дайындалатынын қызығушылықпен бақылап, дәмінен ауыз тиді.

Күн соңында №2 «Болашақ» арнайы мектеп-интернатының оқушыларына №33 мектептің түлегі Шыразбекова Диана демеушілік көрсетіп, сыйлықтар тарту етті. Бұл балалар үшін ерекше қуаныш пен шаттық сыйлады.