Ақсу қаласында "Қамқор" әлеуметтік қызметтер орталығының тұрғындарына қатыгездік көрсету бойынша резонансты іс бойынша үкім шығарылды, - деп хабарлайды Jambylinfo.kz

Ақсу прокуратурасының бейнекамералардан алынған жазбаларды зерттеу нәтижесінде зорлық-зомбылықтың жантүршігерлік фактілері тіркелген.

"Пансионат қызметкері жүйелі түрде қамқорлығындағы адамдарға физикалық күш қолданған және оларды жылы киімсіз көшеде қалдырып, оларға суық тию және азап шегу сынды қауіп төндірген.

Жасалған әрекеттердің ауырлығын және олардың салдарын ескере отырып, сот айыпталушыны кінәлі деп танып, 3 жыл 6 ай бас бостандығынан айыру жазасын тағайындады", - делінген хабарламада.

Үкім заңды күшіне енген жоқ.