Сауда және интеграция министрі Арман Шаққалиев Қазақстандағы уақыт белдеуінің өзгеруіне қатысты зерттеу нәтижелерін жариялады, - деп хабарлайды Jambylinfo.kz

Оның айтуынша, жүргізілген мониторинг бірыңғай уақытқа көшудің халыққа кері әсер етпегенін көрсетті.

Зерттеу бірнеше негізгі саланы қамтыды: халықтың денсаулығы, энергия тұтыну деңгейі, еңбек өнімділігі, жол-көлік оқиғаларының саны және оқушылардың үлгерімі. Бұл мәселелерді талдауға сарапшылар мен ғылыми-зерттеу институттары қатысты.

«Бірқатар мәслихаттар жұмыс уақытын 08:00-ден 17:00-ге дейін өзгерту бастамасын қолдады. Бұл шаралар жұмыс пен жеке өмір арасындағы тепе-теңдікті жақсартуға бағытталған. Қажет болған жағдайда, осы тәжірибе басқа өңірлерге де енгізіледі», – деді Арман Шаққалиев.

Айта кетейік, Қазақстан халқы 2024 жылдың 1 наурызынан бастап бірыңғай UTC+5 уақыт белдеуіне өтті.