Алдағы уақытта келісімсіз қыз алып қашқандарға жаза қатаңдайды, - деп хабарлайды jambylinfo.kz ақпараттық порталы zakon.kz-ке сілтеме жасап. 

Бұл жөнінде: "ҚР Қылмыстық кодексін оңтайландыру бойынша жұмыс тобы әзірлеген түзетулер қаралуда"-, деп мәлімдеді депутат Мұрат Әбенов. 

Жауапкершіліктің бірнеше түрлері қарастырылған: бас бостандығынан айыру, айыппұл салу немесе қоғамдық жұмыстарға тарту.

"Бұл жағдайға байланысты болады. Егер қылмыс топ болып жасалса, кәмелетке толмаған қызға қатысты болса, қандай да бір зиян келтірілсе немесе психологиялық, физикалық қысым көрсетілсе, жаза ауырлай түседі", – деп нақтылады депутат.