Ішкі істер министрлігі "Қарасора-2025" республикалық операциясының нәтижесін жариялады, деп хабарлайды Jambylinfo.kz 

 Оған маусымнан қазан айына дейін полиция, ІІМ Ұлттық ұланы және Қорғаныс министрлігінің қызметкерлері қатысқан. Тікұшақтар, дрондар және спутник координаталары қолданылды.

Нәтижелері:

3,5 мың есірткі құқық бұзушылығы анықталды;

27 тоннадан астам есірткі тәркіленді;

құрамында есірткі бар 110 мыңнан астам бұта жойылды;

4 ұйымдасқан қылмыстық топ, оның ішінде бір трансұлттық топ құрықталды;

6 есірткі зертханасы жойылды;

есірткі жеткізудің 50 ішкі арнасы жабылды.

Өңірлер бойынша мысалдар:

Жамбыл облысында 200 кг-нан астам марихуана тәркіленді;

Алматы әуежайында Үндістан азаматы 3 кг марихуананы алып кіруге тырысқан;

Жезқазғанда 100 кг марихуана тәркіленді;

Қызылорда облысында 928 түп қарасора анықталып, салмағы 300 кг болды.

"Заң мен тәртіп" қағидатын іске асыру аясында есірткі қылмысына қарсы іс-қимыл комитеті азаматтардың денсаулығы мен қоғамдық қауіпсіздікті қорғау бойынша жүйелі жұмысын жалғастырады. Есірткі жолына түскен әрбір адам жазадан құтылу мүмкін еместігін түсінуі тиіс.