Алматыдағы "Медеу" мұз айдыны осы маусымның соңына дейін жұмыс істейді, - деп хабарлайды Jambylinfo.kz

Бұл – алдағы ауқымды жаңғырту жұмыстарына дейінгі соңғы сырғанау кезеңі болмақ.

Мұз айдынын жаңарту 2025-2027 жылдарға жоспарланған. Жоба құны мемлекеттік сараптамадан кейін нақтыланады. Қазіргі уақытта қаржыландыру көлемі белгісіз.

Медеудің уақытша жабылуына байланысты қалада сырғанау мүмкіндігін кеңейту жоспарланып отыр. Биыл Алматыда 11 мұз айдыны жұмыс істеді. Сонымен қатар, ареналар, спорт сарайы, трамплин кешені және орталық стадион аумағында жыл бойы жұмыс істейтін мұз алаңдары бар.

Қазіргі таңда "Медеу" кешкі уақытта ғана ашық:

Апта ішінде: 17:00 - 20:00

Демалыс күндері: 17:00 - 24:00

2023 жылы билік Медеудің техникалық жағдайына аудит жүргізіп, оның жүктемеге төтеп беру мүмкіндігі қанағаттанарлық деп танылды. Қайта құру жұмыстары жергілікті бюджет есебінен қаржыландырылады. Әкімдік мұз айдынының тарихи келбеті мен мәдени мұрасын сақтау басты басымдық болатынын мәлімдеді.