Қарағанды облысы, Қарқаралы ауданының Томар ауылында өрт салдарынан жергілікті мешіт толығымен жанып кетті, деп хабарлады Jambylinfo.kz  "Бірінші Қарағанды" телеарнасына сілтеме жасап.

Өрт кешкі уақытта, ғимарат бос тұрған кезде басталған. От ғимаратты тез арада шарпыған, ал қою түтін алыс жерден көрінді. Ауыл тұрғындары өрт сөндірушілер келгенге дейін тілсіз жауды сөндіруге тырысты, бірақ олардың күші жеткіліксіз болды.