Оның сөзінше, қозғалмаған мәселе қалмады, нәтижесінде қоғамды алаңдатқан түйткілдер шешіліп, елдің бірлігі нығая түсті, - деп хабарлайды Jambylinfo.kz

Мәжіліс депутаты Ринат Зайытовтың айтуынша, бүгінде Парламент халықпен ашық жұмыс істеп, әр апта сайын өткір сұрақтар көтерілуде. Үкімет мүшелері тікелей жауап беруге мәжбүр, ал бұл халықтың билікке деген сенімін қайта оятты.

– Әрбір оң өзгеріс – халықтың билікке деген сенімін арттырады. Өйткені ел тағдыры, халықтың өмірі мен болашағы Парламент жұмысына тікелей байланысты, – деді ол Мәжілістің жалпы отырысында.

Сондай-ақ, Зайытов Президент Қасым-Жомарт Тоқаевтың саяси реформалары мемлекеттік дамудың жаңа кезеңіне жол ашқанын атап өтті.