Жамбыл облысында наурыз айының соңында 18 адам кене шаққан, бұл өңірде кене арқылы тарайтын қауіпті аурулардың бірін — Конго-Қырым геморрагиялық қызбасын жұқтыру қаупін тудырып отыр, - деп хабарлайды Jambylinfo.kz

Жамбыл облысы денсаулық сақтау басқармасының мәліметінше, 31 наурыздағы жағдай бойынша өңірде 46 қауіпті ошақ тіркелген.

Олардың ішінде:

Мойынқұм ауданында — 13,

Таласта — 8,

Сарысуда — 12,

Жамбыл мен Байзақта — 2,

Шу ауданында — 8,

Таразда — 1 ошақ бар.

Наурыз айынан бері облыста 11 мыңнан астам кене жиналып, оның 792-сі зерттелді. Зерттеу нәтижесінде 27 сынамадан Конго-Қырым геморрагиялық қызбасы  вирусы анықталды.