«Менің өмірдегі құрбыларым, сахнадағы әріптестерім бар, көбі мен сияқты өмір суреді. Бәрі ата-аналарына, бауырларына, әпке-сіңілілеріне көмектеседі. Олар – көшбасшылар. Олар көмектесе алады», - деген Роза Рымбаеваның сөзін Динара Сатжан «олардың бәрі өмірде жалғыз ғой» деп бөлді.

«Неге осы көп жағдайда, яғни, шығармашылықтың адамы, яғни, әйел жалғыз болады?», - деген сұрақ қойды Динара Сатжан.

«Бәрі емес. Көбі негізі отбасында бақытты», - деді Роза Рымбаева. Динара Сатжан бұл ретте ажырасқан Нағима Есқалиеваны мысалға алды.

«Нағима жалғыз, Мақпал жалғыз...Мақпалдың жағдайы әрине түсінікті, Заманбек аға қайтыс болды. Ал, Нағима менің білуімше, жолдасына өзі ажырасайық деген. Өйткені, олар мүлде екі түрлі адам еді. Мінездері, принциптері бір-біріне сай келмеді. Сондықтан, менің есімде, Нағима өзі ажырасайық деген. Мен екі баламен, 43 жасымда жесір қалдым. Сол кездің өзінде сана-сезімім, сахнадағы өмірім бәрі 20 жасқа үлкен сезілетін. Сондықтан, мен үшін балаларым маңызды болды», - дейді Роза Рымбаева.

Естеріңізге сала кетейік, Роза Рымбаева осы сұхбатында жолдасы Тасқын Оқапов ұйықтап жатқан жерінде қайтыс болғанын айтқан еді.