сейсенбі, 16 сәуір, 2024 23:05

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыныз

Байланыс

Қазақстанда 30 жыл жол көрмеген ауылдың балалары ҰБТ-ға трактормен барған (Видео)

Қазақстанда 30 жыл жол көрмеген ауылдың балалары ҰБТ-ға трактормен барған (Видео)
Фото: видеодан алынған кадр
Батыс Қазақстан облысындағы Мұратсай ауылы 30 жылдан бері асфальт төселген жер көрмей, қара батпаққа батып отыр. Ауыл тұрғындарының айтуынша, 11-сынып оқушылары ҰБТ тапсыру үшін қалаға трактормен баруға мәжбүр болған, хабарлайды jambylinfo.kz

Видеоға түсірген ауыл тұрғынының сөзінше, 17 наурызда Мұратсай ауылының 11-сынып оқушылары ҰБТ (наурыздың 4-і күні басталып, 30-на дейін жалғасатын ақылы тестілеу) тапсыру үшін қалаға бара жатқан.  Ал жолдың ұзақтығы – 18 шақырым. Әрі қарай тағы 550 шақырым жүріп, Оралға жетеді.

Мұратсайлықтардың айтуынша, еліміз тәуелсіздік алғаннан бері ауданға ешкім жол салмаған.

Бұл оқиғаға қатысты Батыс Қазақстан облысы Бөкейорда ауданы әкімдігі түсініктеме беріп, ауылда жол мәселесі жақында шешілетініне сендірген.

"Осы 18 шақырым кіреберіс жолды күрделі жөндеуден өткізуге жобалық-сметалық құжаттама дайындалып, жұмысты бастау үшін бюджеттен тиісті қаражат бөлінді. Қазір мердігерді анықтау үшін тендер өтіп жатыр. Жобаны 2024-2025 жылдары жүзеге асыру жоспарланып отыр", - деп хабарлаған аудан әкімдігі.

Тахмина Әшірбай

М.Х.Дулати атындағы Тараз өңірлік университетінің 4 курс студенті

jambylinfo.kz
Автор

jambylinfo.kz

Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз

Ұқсас жаңалықтар