Атырауда 73 жастағы әже апельсинге қақалып, өліп қала жаздаған. Оқиға орнына жедел жәрдемнің арқасында қария аман қалған, деп хабарлайды jambylinfo.kz «Атырау онлайн» арнасына сілтеме жасай отырып.

Дереккөзге сүйенсек, қазір науқасты Атырау облыстық ауруханасының дәрігерлері қарап жатыр.

«Қарт әже апельсинге қақалып, сөйлей алмай, демала алмай қалды. Оны Геймлих әдісі бойынша құтқарар кезде әже есінен танып қалды. 1,5 минут клиникалық өлім тіркелді. Абырой болғанда, дәрігерлер әжені құтқарып қалды», - дейді жедел жәрдем қызметкерлері.