Іс-шараны аудандық білім бөлімі ұйымдастырған. Шара барысында ҚР еңбек сіңірген қайраткері, ҚР журналистер одағының мүшесі Ахметжан Қосақов пен Шу ауданы білім бөлімінің қызметкері Айғаным Асқарбек Баттал Жаңабайұлының өмір жолы жайында баяндама жасап, мектеп оқушыларын тұлғаның шығармашылығымен таныстырды.

 Ал, "Жамбыл облысының Үздік журналисі" төсбелгісінің иегері Әлімжан Құрманбек ардагер журналистің қаламгерлігі жөнінде естеліктерін айтса,  ардагер ұстаз, ақын Бақыт Байжігітов Баттал Жаңабайұлына арнап шығарған өлеңін оқыды.

Сондай-ақ іс-шараға  Баттал Жаңабайұлының жұбайы Фарида Алтаева тікелей эфир арқылы қосылып, жылы естеліктерін айтып берді.