Жамбыл облысының спортшысы Асылжан Орынбасарова Қытайдың Макао қаласында өткен ересектер арасындағы спорттық және жауынгерлік самбо жарысында Азия чемпионы атанды, деп хабарлайды jambylinfo.kz.

«Жаһандық додада ел құрамасы сапында спорттық самбодан 65 келіде бақ сынаған Асылжан Орынбасарова Азия және Океания чемпионатының жеңімпазы атанды. Айта кетейік, үш күнге созылған бәсекеде Қазақстан Республикасының Ұлттық құрамасы  жоғары нәтижеге қол жеткізді. Ел құрамасы  спорттық және жауынгерлік самбодан  15 алтын, 7 күміс, 4 қола медаль олжалап, жалпы есепте топ жарды», - деп хабарлайды спорт басқармасы.